O‘zbekiston Respublikasi Iqtisodiyot va moliya vazirligi huzuridagi Yashirin iqtisodiyot ulushini qisqartirish, soliq va bojxona ma’murchiligini takomillashtirish hamda fiskal tahlillar instituti budjet-soliq siyosati, davlat moliyasi, yashirin iqtisodiyot, soliq va bojxona ma’murchiligi hamda fiskal tahlillar yo‘nalishlarida ilmiy-tadqiqotlar olib boruvchi davlat ilmiy-tadqiqot muassasasi hisoblanadi.
Institut faoliyati O‘zbekiston Respublikasi Prezidentining 2025-yil 28-noyabrdagi
PQ-364-son qarorida belgilangan vazifalardan kelib chiqib, budjet daromadlari bazasini kengaytirish, yashirin iqtisodiyot ulushini qisqartirish, soliq va bojxona tizimini takomillashtirish hamda iqtisodiy islohotlarning ilmiy-tahliliy asoslarini mustahkamlashga qaratilgan.
Institut tomonidan davlat organlari va tashkilotlari uchun tahliliy materiallar, ilmiy xulosalar, taklif va tavsiyalar ishlab chiqiladi, ilg‘or xalqaro tajriba o‘rganiladi hamda iqtisodiy va fiskal siyosatning samaradorligini oshirishga xizmat qiluvchi ilmiy tadqiqotlar amalga oshiriladi.
O‘zbekiston Respublikasi budjet daromadlarini yanada kengaytirish, yashirin iqtisodiyot ulushini qisqartirish, soliq va bojxona ma’murchiligini takomillashtirish hamda fiskal tahlillar yo‘nalishida ilmiy tadqiqotlar olib borish, ularning natijalari asosida davlat organlari uchun ilmiy asoslangan taklif va tavsiyalar ishlab chiqish
Budjet-soliq siyosati, davlat moliyasi, yashirin iqtisodiyot, soliq va bojxona ma’murchiligi hamda fiskal tahlillar yo‘nalishlarida ilmiy-tadqiqotlar o‘tkazish, iqtisodiy jarayonlarni chuqur tahlil qilish va ilmiy asoslangan xulosalar ishlab chiqish
Davlat organlari va tashkilotlari uchun budjet daromadlarini kengaytirish, yashirin iqtisodiyot ulushini qisqartirish, soliq va bojxona tizimini takomillashtirish bo‘yicha ilmiy asoslangan takliflar, tavsiyalar va tahliliy materiallar tayyorlash
Xalqaro va milliy tajribalarni o‘rganish, ilmiy hamkorlikni rivojlantirish, tadqiqot natijalarini amaliyotga joriy etish hamda nashrlar, seminarlar va tahliliy materiallar orqali bilim va tajribalarni keng jamoatchilikka yetkazish
