Fiskal tahlillar instituti va Bojxona instituti o‘rtasida hamkorlik memorandumi imzolandi

Fiskal tahlillar instituti hamda Bojxona qo‘mitasining Bojxona instituti o‘rtasida ilmiy-amaliy hamkorlikni rivojlantirishga qaratilgan memorandum imzolandi.

Hamkorlik doirasida bojxona ma’murchiligi, tashqi savdo va yashirin iqtisodiyot masalalari bo‘yicha qo‘shma tadqiqotlar olib borish nazarda tutilgan. Xususan, bojxona imtiyozlarining samaradorligini baholash, tashqi savdo statistikasidagi tafovutlarni o‘rganish, yashirin import va u bilan bog‘liq budjet yo‘qotishlarini baholash usullarini ishlab chiqishga e’tibor qaratiladi.

Shuningdek, import tovarlarining ichki bozordagi harakatini kuzatish imkoniyatlari, bojxona tartib-taomillari va raqamli xizmatlarning tadbirkorlik xarajatlariga ta’siri o‘rganiladi.

Memorandum mutaxassislar va tadqiqotchilar o‘rtasida tajriba almashish, qo‘shma o‘quv mashg‘ulotlari, seminarlar hamda ilmiy loyihalarni amalga oshirishni ham qamrab oladi. Tadqiqotlar natijalari asosida bojxona ma’murchiligini takomillashtirish bo‘yicha amaliy takliflar va metodik tavsiyalar tayyorlanadi.