Pensiya ta’minotida nimalar o‘zgarmoqda?
Pensiyani arizasiz tayinlash, ishlamayotgan oila a’zosi uchun ish staji to‘plash va pensiyaga oid ma’lumotlarni oldindan tekshirish — Prezidentning 2026-yil 28-sentabrdagi PQ-355-son qarori bilan shunday yangi imkoniyatlar belgilanmoqda.
Qarorga muvofiq, ayrim pensiya xizmatlari proaktiv shaklda, ya’ni fuqaroning alohida murojaatisiz ko‘rsatiladi. Elektron xizmatlar orqali ish staji va ish haqiga oid ma’lumotlarni tekshirish, yetishmayotgan ma’lumotlar bo‘yicha arxivga elektron so‘rov yuborish imkoniyati yaratiladi.
Fiskal tahlillar instituti tayyorlagan maqolada pensiya ta’minotiga oid 10 ta muhim o‘zgarish, ularning kuchga kirish muddatlari va fuqarolar uchun ahamiyati oddiy tilda tushuntirilgan.
