O‘ZBEKISTON RESPUBLIKASIDA MIKROBIZNESNI SOLIQQA TORTISHNI TAKOMILLASHTIRISH YO‘LLARI

Maqolada mikrobiznesni soliqqa tortishning dolzarb masalalari ko‘rib chiqiladi. O‘zbekiston Respublikasida tadbirkorlarni soliqqa tortishning turli rejimlari baholangan. Aylanmadan olinadigan soliq va qat’iy belgilangan stavka bo‘yicha soliq kichik biznes subyektlari uchun QQS va foyda solig‘iga qaraganda jozibadorroq ekanligi aniqlandi.

QQSning qo‘llanilishi mikrobiznes subyektlari, kichik, o‘rta va yirik korxonalar o‘rtasidagi savdo aloqalarini kengaytirishga yordam bermaydi. Mikrobiznes subyektlari uchun aylanmadan olinadigan soliqning qat’iy belgilangan stavkasidagi (ixtiyoriy asosda) amaldagi rejimni o‘z kuchida qoldirish taklif etilmoqda. Iqtisodiyotni isloh qilish sharoitida mikrobiznesni soliqqa tortishni takomillashtirish bo‘yicha tavsiyalar asoslangan.