Sog‘liqni saqlash xarajatlari kambag‘allikka qanday ta’sir qiladi? Gender va hududlar kesimidagi tahlil

Maqolada O‘zbekistonda sog‘liqni saqlash tizimini moliyalashtirishning oilalar farovonligi va kambag‘allik xavfiga ta’siri gender hamda hududiy jihatdan tahlil qilingan. 2026-yil fevral–mart oylarida Samarqand shahri, Bulung‘ur, Ishtixon, Xatirchi va G‘ijduvon tumanlarida 1100 nafardan ortiq respondent ishtirokida o‘tkazilgan so‘rov natijalari ayollarning o‘z sog‘lig‘idan qoniqish darajasi erkaklarga nisbatan pastroq ekanini ko‘rsatgan. Shuningdek, aholining shaxsiy mablag‘lari hisobidan qoplanadigan tibbiy xarajatlar, sog‘liqni saqlash budjetining tarkibi va xorijiy tajriba o‘rganilgan. Tadqiqot yakunida hududlarning demografik, gender, ijtimoiy-iqtisodiy va ekologik xususiyatlarini hisobga oluvchi raqamli monitoring platformasini yaratish taklif etilgan.