Xo‘jalik mexanizmi faoliyatining samaradorligini oshirish - yashirin iqtisodiyotni qisqartirishning muhim omili

Maqolada xo‘jalik mexanizmining asosiy ishlab chiqarish omillarini qiymat jihatidan baholash va tarmoqlararo ekvivalent tovar ayirboshlashni ta’minlashga ta’sirining nazariy va amaliy jihatlari ko‘rib chiqiladi. Bahoni shakllantirishni davlat tomonidan tartibga solish, soliqqa tortish va narx shakllanishiga ta’sir ko‘rsatuvchi boshqa iqtisodiy vositalar tendensiyalarini tahlil qilishga alohida e’tibor qaratilgan. Tadqiqotning maqsadi narx shakllanishini tartibga solish samaradorligini oshirish yo‘nalishlarini asoslash, milliy iqtisodiyotning bazaviy tarmoqlarida ekvivalent tarmoqlararo ayirboshlash sharoitlarini ta’minlash, ishlab chiqarish omillarini adolatli qiymat jihatidan baholash hamda tabiiy monopoliya subyektlari xarajatlari va narxlarining asossiz o‘sishini jilovlash chora-tadbirlarini ishlab chiqishdan iborat. Tadqiqot natijalari asosida bozor iqtisodiyoti sharoitida xo‘jalik yuritish mexanizmining ishlashini takomillashtirishga qaratilgan tavsiyalar shakllantirilgan.